പാൽ പുളിപ്പിച്ച് തൈരാക്കുന്ന ഉപകാരികളായ സൂക്ഷ്മ ജീവികളാണ് ലാക്ടിക് ആസിഡ് ബാക്ടീരിയകൾ. വായു രഹിത ശ്വസന പ്രക്രിയ അഥവാ ഫെർമെന്റേഷൻ വഴിയാണ് ഈ ബാക്ടീരിയങ്ങൾ ഉപാപചയ പ്രവർത്തനങ്ങൾ നടത്തുന്നത്. ഈ സാഹചര്യത്തിൽ ഉണ്ടാകുന്ന ലാക്ടിക് അമ്ളം ഇവർക്ക് നാമം കൊടുക്കുന്നുണ്ടെങ്കിലും മിക്കവാറും ഇവരുടെ വളർച്ചയെ വിനാശമായി ബാധിക്കാറുണ്ട്. കൂടാതെ വളരെ കുറച്ച് മാത്രം ഊർജ്ജം മാത്രമാണ് ഇവിടെ നിർമ്മിക്കപ്പെടുന്നത്. എന്നാൽ ഇവരെ വായു സഹിത ശ്വസന പ്രക്രിയയിലേക്ക് മാറ്റുമ്പോൾ ഒട്ടനവധി നേട്ടങ്ങൾ ഉണ്ടാകുന്നു. കാരണം ഇവിടെ മരണത്തിലേക്ക് വഴുതി വീഴാതെ എണ്ണം കൂടിക്കൊണ്ടേയിരിക്കുന്നു. കൂടാതെ സുഗന്ധവാഹികളായ ഒട്ടേറെ വസ്തുക്കൾ, സഹനക്ഷമതയിലെ വർദ്ധനവ് ദീർഘകാലത്തിലുള്ള സൂക്ഷിപ്പ് മേന്മ ഇവയും എടുത്തു പറയേണ്ടതാണ്. ഇപ്രകാരമുള്ള നേട്ടങ്ങൾ സ്റ്റാർട്ടർ കൾച്ചർ നിർമ്മാണം , ക്ഷീരോല്പന്ന നിർമ്മാണ മേഖലകളിൽ വിപ്ലവകരങ്ങളായ ഒട്ടനവധി മാറ്റങ്ങൾ സൃഷ്ടിക്കും എന്നതിൽ സംശയം വേണ്ട.