സയൻസിന്റെ വെടിക്കെട്ട്
ശാസ്ത്രഗവേഷകർക്കും പൊതുജനങ്ങൾക്കും നേരിട്ടുള്ള സമ്പർക്കത്തിനു
വേദിയൊരുങ്ങുന്നു…
നിങ്ങൾക്കും പങ്കെടുക്കാം
സയൻസ് അറിയുന്നവരും അറിയാത്തവരുമായ പ്രേക്ഷകരെ പത്തുമിനിറ്റിൽ നിങ്ങളുടെ സയൻസ് ഗവേഷണവിഷയം ലളിതവും ആകർഷകവുമായി മനസിലാക്കിക്കാനാകുമോ? എങ്കിൽ നിങ്ങൾക്കും കേരള സയൻസ് സ്ലാമിൽ പങ്കെടുക്കാം. യുവശാസ്ത്രജ്ഞർക്കായി ഇത്തരത്തിൽ ലോകവ്യാപകമായി നടത്തുന്ന പരിപാടിയാണ് സയൻസ് സ്ലാം. സയൻസിൽ ഒറിജിനൽ റിസേർച്ച് ചെയ്യുന്നവർക്കും ഒറിജിനൽ റിസേർച്ച് കോൺസെപ്റ്റ് ഉള്ള വിദ്യാർത്ഥികൾക്കും പങ്കെടുക്കാം.
4 മേഖലാ സ്ലാമുകൾ
നവംബർ മാസത്തിൽ
ഫൈനൽ മത്സരം
ഡിസംബർ 14 – IIT പാലക്കാട്
പൊതുജന പങ്കാളിത്തം
കേൾക്കാനും വിലയിരുത്താനും
വിദ്യാർത്ഥികൾക്ക്
അവതരണങ്ങൾ കേൾക്കാൻ അവസരം
4 റിജിയണൽ സ്ലാമുകൾ
നാലു റീജിയണൽ മത്സരവും അതിൽനിന്നു തെരഞ്ഞെടുക്കപ്പെടുന്നവർ പങ്കെടുക്കുന്ന സംസ്ഥാനതല മത്സരവും
നവംബർ 9
കൊച്ചിൻ ശാസ്ത്രസാങ്കേതിക സർവകലാശാല
നവംബർ 16
കാലിക്കറ്റ് സർവകലാശാല
നവംബർ 23
ഗവ. വിമൺസ് കോളേജ്, തിരുവനന്തപുരം
നവംബർ 30
കണ്ണൂർ സർവകലാശാല
2024 ഡിസംബർ 14
ഫൈനൽ മത്സരം പാലക്കാട് ഐ.ഐ.ടി.യിൽ വെച്ച്
KERALA SCIENCE SLAM
പതിവു ചോദ്യങ്ങൾ
സംശയങ്ങൾക്ക് വിളിക്കുമല്ലോ : 9645703145
എന്താണ് SCIENCE SLAM ?
സയൻസ് ലളിതവും ആകർഷകവുമായി സാധാരണക്കാർക്കു പകർന്നുകൊടുക്കൽ (Science Communication) പരിപോഷിപ്പിക്കാൻ ലോകവ്യാപകമായി നടത്തുന്ന ഒരു പരിപാടിയാണ് സയൻസ് സ്ലാം. സയൻസ് അറിയുന്നവരും അറിയാത്തവരുമായ പ്രേക്ഷകർക്കുമുന്നിൽ യുവശാസ്ത്രജ്ഞർ അവരുടെ ഗവേഷണപ്രോജക്റ്റുകൾ സാധാരണക്കാരുടെ ഭാഷയിൽ ലളിതമായ ചെറിയ സംഭാഷണത്തിലൂടെ 10 മിനിറ്റുകൊണ്ടു വിശദീകരിക്കുന്നു. അവതരണത്തിൽ പ്രേക്ഷകരെ പരമാവധി എൻ‌ഗേജ് ചെയ്യിക്കൽ പ്രധാനമാണ്. അവതരണത്തിൽ സദസിന്റെ ശ്രദ്ധ പിടിച്ചുനിർത്തുകയും അതിന് അനുസൃതമായ പ്രതികരണങ്ങൾ സൃഷ്ടിക്കുകയും ചെയ്യുമ്പോഴാണ് അവതരണം ഇൻ‌ഗേജിങ് ആകുന്നത്. അതിനനുസരിച്ച് പ്രേക്ഷകർക്ക് വോട്ടുചെയ്യാനാകും.
ആർക്കൊക്കെ പങ്കെടുക്കാം ?
സയൻസിൽ ഒറിജിനൽ റിസേർച്ച് ചെയ്യുന്ന ഏതൊരാൾക്കും പങ്കെടുക്കാം. (അംഗീകൃത ഗവേഷണസ്ഥാപനങ്ങളിലെ Research Scholar, Project Fellow, Postdoctoral Fellow, Research investigator,
Research associate എന്നിവർക്ക്).
സയൻസ് സ്ലാമുകളുടെ ഉദ്ദേശ്യം ?
🧬 ഗവേഷണത്തിന്റെ പ്രാധാന്യമോ ശാസ്ത്രീയഫലമോ അല്ല സയൻസ് സ്ലാമിൽ പരിഗണിക്കുന്നത്. മറിച്ച്, വിഷയം എന്തായാലും അത് മനസ്സിലാക്കാവുന്നതും രസകരവും സംക്ഷിപ്തവുമായ രീതിയിൽ വിശദീകരിക്കുന്നോ എന്നതാണ് വിലയിരുത്തുക. അതാണ് സയൻസ് സ്ലാമുകളുടെ പ്രധാന ഉദ്ദേശ്യവും ആകർഷണവും.
🧬 സയൻസ് സ്ലാമുകൾ യൂണിവേഴ്സിറ്റികൾക്കും ലക്ചർ ഹാളുകൾക്കും പുറത്ത് സാംസ്കാരികകേന്ദ്രങ്ങൾ, തിയേറ്ററുകൾ, വായനശാലകൾ, ക്ലബ്ബുകൾ പോലെയുള്ള, സാധാരണക്കാരുടെ പൊതുവിടങ്ങളിലാണ് വൈകുന്നേരങ്ങളിലും മറ്റും നടത്തുന്നത്.
🧬ഇതിനു രണ്ടു പ്രയോജനങ്ങൾ ഉണ്ട്. ഒന്ന്, ശാസ്ത്രജ്ഞർ ദന്തഗോപുരം ഉപേക്ഷിച്ച് ജനകീയസംസ്കാരത്തിന്റെ ഭാഗമാകുന്നു. രണ്ട്, ശാസ്ത്രത്തിൻ്റെ സാങ്കേതികഭാഷയിലല്ലാതെ സാധാരണക്കാരോട് അവരുടെ ഭാഷയിൽ നേരിട്ട് ശാസ്ത്രവിനിമയം നടത്താൻ ഗവേഷകരെ പ്രാപ്താരാക്കുന്നു. ഇതുവഴി നല്ല സയൻസ് കമ്മ്യൂണിക്കേറ്റേഴ്സിനെ (എഴുത്തുകാരും പ്രഭാഷകരും അടക്കം) വളർത്തിയെടുക്കാനുമാവും. ശാസ്ത്രത്തിന്റെ ജനകീയവത്ക്കരണത്തിനും വ്യാപനത്തിനും അതുവഴി നാടിന്റെ പുരോഗതിക്കും ഇത് വളരെ പ്രധാനമാണ്.
ഏതൊക്കെ സയൻസ് വിഷയങ്ങളുണ്ട് സ്ലാമിൽ?
സയൻസിൽ എന്തെല്ലാം വിഷയങ്ങളുണ്ടോ അതെല്ലാം ആകാം. സാങ്കേതികവിദ്യാവിഷയങ്ങളും ആകാം. (Any area of science / technology including agriculture/ engineering/ medicine/ Mathematics)
എന്തൊക്കെയാണ് മത്സരത്തിന്റെ നിബന്ധനകൾ ?
🎤 സാധാരണ മലയാളികളായ സദസിനെ എൻ‌ഗേജ് ചെയ്യിക്കാൻ കഴിയുന്ന ഭാഷ.
🎤 അവതരണത്തിന് സ്ലൈഡ് പാടില്ല. എഴുതിവായിക്കൽ പാടില്ല. നോട്ട് / പോയിന്റ്‌സ് എഴുതി വച്ച് അവതരിപ്പിക്കരുത്.
🎤 അനിവാര്യമായ ചിത്രങ്ങൾ പോസ്റ്ററുകളോ കാർഡുകളോ ആയി കാണിക്കാം. മോഡലുകൾ ഉപയോഗിക്കാം. അവയെല്ലാം അവതാരകർ കൊണ്ടുവരണം.
🎤 ആശയവിനിമയവും എൻ‌ഗേജിങ്ങും ഫലപ്രദമാക്കാൻ മാജിക് ഉൾപ്പെടെയുള്ള സങ്കേതങ്ങൾ ഉപയോഗിക്കാം.
🎤 കൃത്യം 10 മിനുട്ട് ആയിരിക്കും അവതരണത്തിനുള്ള സമയം.
ആരാണ് കേൾവിക്കാർ ?
മുഖ്യമായും സാധാരണജനങ്ങൾ. ഒപ്പം, നിലവിൽ ഗവേഷണം ചെയ്യുന്നവർ, ചെയ്യാൻ ആലോചിക്കുന്നവർ, ബിരുദ-ബിരുദാനന്തരവിദ്യാർത്ഥികൾ, ഗൈഡുകൾ ഉൾപ്പെടെയുള്ള അദ്ധ്യാപകർ, ജനകീയശാസ്ത്രപ്രചാരകർ, താത്പര്യമുള്ള മറ്റു വിഭാഗങ്ങൾ.
മത്സരം നടക്കുന്ന തിയ്യതികൾ ?
കേരളത്തിലും ‘സയൻസ് സ്ലാം സംസ്ക്കാരം’ വളർത്തിയെടുക്കുക എന്ന ലക്ഷ്യത്തിൽ ഇത്തരമൊരു വേദി ലൂക്കയുടെ പത്താം വാർഷികത്തിൽ വിഭാവനം ചെയ്യുകയാണ്. ലൂക്കയും കൊച്ചി , കാലിക്കറ്റ് , കണ്ണൂർ സർവ്വകലാശാലകൾ , ഗവ. വിമൺസ് കോളേജ് തിരുവനന്തപുരം , ഐ.ഐ.ടി. പാലക്കാട് എന്നിവയുമായി ചേർന്ന് സംഘടിപ്പിക്കുന്ന ഈ പരിപാടിയിൽ നാലു റീജിയണൽ മത്സരവും അതിൽനിന്നു തെരഞ്ഞെടുക്കപ്പെടുന്നവർ പങ്കെടുക്കുന്ന സംസ്ഥാനതല സയൻസ് സ്ലാമും ഉണ്ടാകും. സംസ്ഥാനതല സയൻസ് സ്ലാം ഐ ഐ ടി പാലക്കാട് വെച്ചായിരിക്കും
🟨 റിജിയണൽ സ്ലാം
– നവംബർ 9 – കൊച്ചി ശാസ്ത്രസാങ്കേതിക സർവ്വകലാശാല
– നവംബർ 16 – കാലിക്കറ്റ് സർവ്വകലാശാല
– നവംബർ 23 – ഗവ വിമൺസ് കോളേജ് , തിരുവനന്തപുരം
– നവംബർ 30 – കണ്ണൂർ സർവ്വകലാശാല
🟩 ഫൈനൽ – മത്സരം
– ഡിസംബർ 14 – ഐഐടി പാലക്കാട്
രജിസ്ട്രേഷനും സമയക്രമവും എങ്ങനെ?
ഈ വെബ്സൈറ്റിൽ രജിസ്റ്റർ ചെയ്യാം.
📅 രജിസ്ട്രേഷൻ തുടക്കം : സെപ്റ്റംബർ 26
📅 അവസാന തിയ്യതി : ഒക്ടോബർ 15
📅 വിഷയസംഗ്രഹം പരിശോധിച്ച് തെരഞ്ഞെടുക്കപ്പെട്ടോ എന്ന് അറിയിക്കുന്ന തിയ്യതി. : ഒക്ടോബർ 25
📅 തെരഞ്ഞെടുക്കപ്പെട്ടവർക്കുള്ള ഓൺലൈൻ ഓറിയന്റേഷൻ ക്ലാസ്. : ഒക്ടോബർ 28,29
ലളിതവും സരസവുമായി സയൻസ് പറയാനാകുമോ ?
ശാസ്ത്രഗവേഷകർക്കും ഗവേഷണവിദ്യാർത്ഥികൾക്കും ഇതാ ഒരു ഉത്സവം. സ്വന്തം ഗവേഷണക്കാര്യം പൗരജനങ്ങൾക്കു ലളിതവും സരസവുമായി പറഞ്ഞുകൊടുക്കാൻ ഒരു മത്സരം. സയൻസിന്റെ രംഗത്ത് ഒരു ‘വെടിക്കെട്ട് പരിപാടി’.
ഒരുലക്ഷം രൂപയുടെ സമ്മാനങ്ങൾ
ഏറ്റവും ലളിതവും രസകരവും പ്രേക്ഷകരെ പിടിച്ചിരുത്തുന്നതും പങ്കുചേർക്കുന്നതുമായ അവതരണങ്ങൾക്ക് ഒരു ലക്ഷം രൂപയുടെ സമ്മാനങ്ങൾ. പങ്കാളികൾക്കെല്ലാം മൂല്യവത്തായ സർട്ടിഫിക്കറ്റ്.
തയ്യാറെടുപ്പിന് സഹായക വീഡിയോകളും കുറിപ്പുകളും
സ്ലാമിന് എങ്ങനെ തയ്യാറെടുക്കാം.. ? അവതരണത്തിൽ എന്തെല്ലാം ശ്രദ്ധിക്കണം ?
വേദിയൊരുങ്ങുന്നു…
സംഘാടകർ
കേരള ശാസ്ത്രസാഹിത്യ പരിഷത്തിന്റെ സയൻസ് പോർട്ടലായ ലൂക്കയുടെ നേതൃത്വത്തിൽ കൊച്ചി , കാലിക്കറ്റ് , കണ്ണൂർ സർവ്വകലാശാലകൾ , ഗവ. വിമൺസ് കോളേജ് തിരുവനന്തപുരം , ഐ.ഐ.ടി. പാലക്കാട്, ശാസ്ത്ര വിദ്യാഭ്യാസരംഗത്തെ സംരംഭമായ Curiefy, സയൻസ് കേരള Youtube ചാനൽ എന്നിവയുമായി സഹകരിച്ചാണ് സയൻസ് സ്ലാം സംഘടിപ്പിക്കുന്നത്.
Contact Us
Address
Kerala Satra Sahitya Parishad (KSSP), Parisara Kendram, Guruvayoor Road, Thrissur. Pin: 680004
Send Us a Message
Here\’s how you can contact us for any questions or concerns.